အိမ်မက်ကျွန်း (သို့မဟုတ်) Nusa Pendia

ဘာလီဆိုတာ ခရီးသွားတိုင်းတဲ့အိမ်မက်နေရာတစ်ခုပါ။ ဘာလီကို တော်တော်များများသိကြတာက ကမ်းခြေတွေ ပန်းတွေပါတဲ့အင်္ကျီလေးတွေနဲကဓါတ်ပုံရိုက်ကြတာတွေ ချစ်သူနှစ်ဦးတစ်တီတူးကြမယ့်ပုံရိပ်လေးတွေပဲ တန်းပြီးမြင်ကြမှာပါ။ တကယ်တော့ဘာလီက အဲ့ထက်အဆပေါင်းများစွာပိုပါတယ်။ဘာလီကျွန်းလေးထဲကမှ ဒန်ဒန်ဒီတစ်ခေါက်ညွှန်းပေးချင်တာက ဘာလီထဲကအိမ်မက်ကျွန်းလေးတစ်ခု။ အပြင်မှာဒါမျိုးကြီးတကယ်ရှိတယ်ဟလို့ ထင်ရအောင်အောင်အိမ်မက်ဆန်တဲ့နေရာလေးတစ်ခုကိုခေါ်ဆောင်သွားပါရစေ။ ဘာလီရဲ့ Nusa Penida ဆိုတဲ့ကျွန်းလေးပဲဖြစ်ပါတယ်။ အဲ့နေရာမှာ ကျွန်တော်ချစ်တဲ့ကျွန်းကြီးတွေရှိတယ်။ အဲ့မှာကကြက်သီးထလောက်အောင်လှတဲ့နေရာတွေကြည့်ပဲ။ ဘာလီရောက်ပြီးမှ အဲ့နေရာတွေကိုမရောက်ရင် ဘာလီရောက်တာ ဘယ်တန်တာ့မလဲ။ ဘာလီကနေ သွားရလာရလဲတကယ့်ကိုလွယ်ကူအဆင်ပြေတယ်။ ဒါပေမယ့်သွားတဲ့သူတွေတော့ သိပ်မရှိသေးဘူးရယ်။ ဘာလီရဲ့ Instagram ကပုံတွေထဲမှာလဲ အလွှမ်းမိုးဆုံးနေရာတစ်ခုလဲဖြစ်ပါတယ်။ Nusa Pendia ကျွန်းက ဘာလီရဲ့အရှေ့တောင်ဘက်မှာရှိတဲ့ ကျွန်းတွေထဲကမှ အကြီးဆုံးကျွန်းကြီးတစ်ကျွန်းလဲဖြစ်ပါတယ်။ အကြီးဆုံးကျွန်းဆိုတဲ့အတိုင်းသွားစရာ လည်စရာနေရာတွေတော့အများကြီးပေါ့။ အဲ့လိုလည်စရာတွေအများကြီးထဲကမှ ဒန်ဒန်ရွှေးချယ်ပေးမှာက Nusa Penida ကျွန်းကြီးပေါ်ကို တစ်ရက်ထဲနဲ့အမိုက်စားသဘာဝအလှတွေကိုခံစားနိုင်မယ့်ခရီးလေးကိုပြောပြပေးချင်ပါတယ်။ ပထမဆုံးဘာလီဘယ်လိုသွားရမယ် ဘယ်လောက်ကုန်မလဲဆိုတာက အောက်မှာပေးထားတဲ့ Link လေးထဲမှာပြောပြပြီးသွားပြီဆိုတော့ ကျွန်တော်က Nusa Pendia ကိုဘယ်လိုသွားမလဲဆိုတာလေးကို သေသေချာချာလေးပြောပြပေးချင်တယ်။ ငွေပမာဏတွေကိုလဲတွက်ရလွယ်အောင်လို့ မြန်မာငွေနဲ့ပဲပြောပေးထားတယ်နော်။

🚘 ဘာလီကနေ ဘယ်လိုသွားမှာလဲ 🚘

ကျွန်တော်တို့သွားတုန်းက Kuta Beach မှာတည်းတာဆိုတော့ ဟိုတယ်ကနေ Sanur Beach ကို Taxi နဲ့သွားရတယ်။ Taxi ခက Grab နဲ့သွားတာ မြန်မာငွေ ၆၀၀၀ ကျပ်လောက်ကျတယ်။ Sanur Beach ကနေမှ ဟိုဘက် Nusa Pendia ကို Water bus နဲ့သွားရမှာ။ နေ့ချင်ပြန်သွားမှာမို့လို့ မနက်အစောစက်လှေကိုပဲ မှီအောင်စီးစေချင်တယ်။ အချိန်က မနက်(၇) နာရီခွဲနဲ့ (၈)နာရီခွဲနှစ်ချိန်ရှိတယ်။ အဆင်ပြေတာမှီတာနဲ့စီးလို့ရတယ်။ အသွားနဲ့အပြန်လက်မှတ်ကို တစ်ခါထဲဝယ်သွားပါ။ အပြန်အချိန်တွေက (၃)ခွဲလောက်အချိန်ကိုပြန်ရင် နေ့ချင်းပြန်ခရီးအတွက်အချိန်လုံလောက်ပါတယ်။ ကျွန်တော်က Angle Billabong Water Bus ကိုစီးဖြစ်ခဲ့တယ်။ Sanur Beach ကနေ Nusa Pendia ကိုသွားဖို့ Water bus က ၂၀၀၀၀ ကျပ်လောက်ကျတယ်။ Nusa Penida ကိုရောက်ဖို့ကြာချိန်က မိနစ်သုံးဆယ်လောက်တော့စီးရမယ်ဗျ။ ပင်လယ်လေလေး တဝှီးဝှီးနဲ့ စီးလို့အရမ်းကောင်း။ မနက်စာလေးတော့ ဟိုတယ်ကနေပဲစားသွားနော်။ Nusa Penida ဘက်မှာ အစားအသောက်ဆိုင်တွေရှားလို့ပါ။

🗺Nusa Pendia ရောက်ရင် ဘယ်လိုသွားကြမလဲ🗺

Nusa Pendia ရောက်တာနဲ့ အောင်မင်္ဂလာကဆိုကယ်ကယ်ရီလိုတွေ တက်စီသမားတွေ အများကြီးပဲ ကြိုက်တာစီးပြီးလည်လို့ရတယ်။ ဒန်ဒန်က နေ့ချင်းပြန်ခရီးဆိုတော့ ကျွန်းကြီးလေးကျွန်းကိုအဓိကထားပြီးသွားဖြစ်ခဲ့တယ်။Kelingking Beach Nusa Penida /Broken Beach / Angel Billabong / Crystal Bay စတဲ့ အိမ်မက်ဆန်ဆန်သဘာဝလှတရားတွေပိုင်ဆိုင်ထားတဲ့ ကျွန်းကြီးလေးကျွန်းပါ။ အဲ့လေးကျွန်းကိုဆိုင်ကယ်နဲ့လဲသွားလို့ရသလို ကားနဲ့လဲသွားလို့ရပါတယ်။

🛵🏍🛵🏍🛵🏍🛵🏍🛵🏍🛵

ဆိုင်ကယ်မောင်းကျွမ်းကျင်တယ်ပြီးတော့ လမ်းကြမ်းကြမ်းမှာဆိုင်ကယ်မောင်းဘူးတဲ့သူတွေအတွက်ကတော့ ဆိုင်ကယ်ကို ညွှန်းပေးချင်တယ်။ ဆိုင်ကယ်ခကလဲအရမ်းသက်သာတယ်။ မြန်မာငွေ ၆၀၀၀- ၇၅၀၀ အဲ့လောက်ပဲ။ သွားရတဲ့လမ်းကတော့ တော်တော်ကြမ်းတယ်။ မောင့်လက်ကိုတွဲပြီးကမ္ဘာအဆုံးထိလျှောက်မယ့်မမတွေအတွက်လဲ ဆိုင်ကယ်လေးနဲကဆို အရမ်းရိုမှာ။ သဘာဝတောတောင်ရူခင်းတွေနဲ့အတူ ကိုယ်ချစ်သူလေးက ဆိုင်ကယ်နောက်လေးကနေခါးလေးဖက်ထား ကဲဆိုင်ကယ်မောင်းကျွမ်းတဲ့ကိုကိုတွေခံစားကြည့်လိုက် မိုက်တယ်နော်။ မိုက်လဲမိုက်တယ် ဈေးလဲသက်သာတယ် လမ်းကတော့အသေကြမ်းတယ် အဲ့တာဆိုင်ကယ်နဲ့သွားရင်။

🚘🚖🚘🚖🚘🚖🚘

ကားနဲ့သွားရင်တော့ ကားခက မြန်မာငွေ ၆၀၀၀၀ လောက်ကျတယ်။ တစ်ကားလုံးဈေးကိုပြောတာနော်။ ကားလေးနဲ့ဆိုရင်တော့ အေးအေးဆေးဆေးသာသာယာယာပဲ။ လမ်းလေးကလဲ ကြမ်းလိုက် ကောင်းသွားလိုက်နဲ့ အဖွဲ့လိုက်ဆို ဟီးဟီးဟားဟားနဲ့ပျော်စရာကြီးရယ်။ တကယ်လို့လမ်းကတွေ့တဲ့သူတွေကိုမေးပြီး အာရုံနောက်မခံချင်ရင် Angle Billabong ဆိုတဲ့ဆိုင်လေး စက်လှေရပ်တဲ့နားမှာရှိတယ်။ အဲ့မှာဈေးမေးပြီး ငှားရင်တော့ အာရုံနောက်သက်သာတယ်။ ကျွန်တော်ပြောထားတဲ့ဈေးဝန်းကျင်လောက်ပဲကျမယ်ဗျ။ အဲ့လိုလေးတွေစီစဉ်ပြီးသွားပြီး ပထမဆုံးရောက်မှာက Keling King Beach

🏝

Keling King Beach 

ကိုယ့်ချစ်သူအိပ်နေတာကို တစိမ့်စိမ့်ထိုင်ကြည့်နေရသလိုမျိုး အဲ့ကျွန်းကြီးကို ကြည့်ပြီးကြည်နူးရတာ။ Nusa Pendia Beach ကနေ အဲ့ကိုရောက်ဖို့ အချိန်တစ်နာရီလောက်ပဲမောင်းရတယ်။ ကျွန်တော်ရောက်တုန်းက ပထမဆုံးအဲ့ကောင်ကြီးကို မမြင်ရသေးဘူး။ နေ့လည်စာစားဖို့အတွက်ဆိုင်လေးတစ်ဆိုင်မှာအရင်ရပ်တာ။ အဲ့က View ကလဲအရမ်းမိုက်။ အဲ့ View ကိုမြင်ရတဲ့အချိန် ဒါကြီးက အပြင်မှာတကယ်ရှိတာလားလို့ ရူးကြောင်ကြောင်အတွေးတွေတောင်တွေးမိတယ်။ အရမ်းမိုက်တယ်။ အခုစာရေးနေတဲ့အချိန်တောင် ကြက်သီးထတယ်။ အပေါ့သွားချင်လို့ထင်ပါတယ် ဟီးဟီး။ နေ့လည်စာကို အဲ့နေရာလေးမှာပဲ အဝစားစေချင်တယ်။ တခြားနေရာတွေမှာက အအေးတို့ဘာတို့ပဲရှိတော့တာ။ ဝင်ဝင်ချင်း တန်းတန်းမသွားပဲ တောင်ကုန်းလေးပေါ်မှာ ဆိုင်လေးရှိတယ်။ ထမင်းစားလို့ရတယ်။ မြန်မာပါးစပ်နဲ့လဲအဆင်ပြေတယ်။ အဲ့မှာထမင်းအရင်စားပြီးမှ ဟိုကောင်ကြီးကို သွားတွေ့ပါ။ အဲ့ကောင်ကြီးရဲ့ ကုန်းလေးပေါ်ကို လမ်းလျှောက်ပြီးတော့ သွားလို့တော့ရတယ်။ ဒါပေမယ့် လေအရမ်းတိုက်တယ်။ ဂရုစိုက်ပြီးတော့သွားပါ။ ပြောမပြတက်အောင် အရမ်းလှတယ်။
အဲ့နေရာလေးမှာ အချိန်နာရီဝက်လောက်ပေးလိုက် လုံလောက်တယ်။ ပြီးရင် ကားလမ်းကြမ်း နာရီဝက်လောက်ထပ်စီးပြီး Angle Billabong ဆိုတဲ့ နတ်သမီးရေကန်လေးကိုသွားကြမယ်။ နတ်သမီးရေကန်ဆိုတာက ကျွန်တော်အလွယ်ပြောလို့ရအောင် နံမည်ပေးထားနော်။

🏝

Angle Billabong 

အဲ့နေရာလေးက ကားရပ်တဲ့နေရာကနေ အဲ့နေရာလေးကိုရောက်ဖို့ ၁၅ မိနစ်လောက်လမ်းလျှောက်ရတယ်။ ဒီခရီးလေးက Trekking လဲပါတယ် မဆိုးဘူးတွေ့လား။ တောလမ်းလေးလျှောက်ပြီးသွားရင် ပင်လယ်ရေတိုက်စားမှု့နဲ့ရေကန်လေးလိုဖြစ်နေတဲ့ ကျောက်ဆောင်ကြီးကိုတွေ့ရမှာ ဖြစ်တယ်။ အရမ်းအရမ်းလှတာပဲ အဲ့နေရာလေးက။ အဲ့ကန်လေးထဲမှာ ငါးလေးတွေ ကျောက်ပန်းလေးတွေနဲ့ အရမ်းလှ။ ဓါတ်ပုံရိုက်လို့လဲ အရမ်းမိုက်။ စိတ်ပါရင်တော့ အဲ့ရေကန်လေးထဲမှာ ရေစိမ်လို့ရတယ်။ ဒီမှာက အချိန်ကို နာရီဝက် လေးဆယ့်ငါးမိနစ်လောက်ပဲပေး။ ပီးတာနဲ့အဲ့နေရာလေးကနေ မိနစ်နှစ်ဆယ်လောက် လမ်းလျှောက်လိုက်ရင်တော့ ကျွန်တော့်အကြိုက်ဆုံး အသဲကွဲဘိုးတော်ကြီးဆီကို ရောက်ပါပြီ။

🏝Broken Beach

Nusa Pendia ရဲ့ ကျွန်တော့်အချစ်ဆုံးနဲ့အကြိုက်ဆုံး အသည်းကွဲဘိုးတော်ကြီး။ ပင်လယ်ရေတိုက်စားမှု့ကြောင့်ကျောက်ဆောင်ကြီးကို ကွဲပြီးဖြစ်နေတာကို အသည်းကွဲတယ်လို့ တင်စားထားတာပါ။ Angle Billabong နဲ့ တစ်နေရာထဲပဲ။ ကွဲကွာနေတဲ့ကျောက်ဆောင်ကြီးပေါ်မှာ လမ်းလျှောက်ရတဲ့ ဖီလင်ကလဲအရမ်းမိုက်။ တကယ့်ကို အိမ်မက်ဆန်တဲ့ ကျောက်ဆောင်ကြီးတစ်ခုပါ။ သူ့ကိုမြင်တာ ဆွေးဆွေးမြေ့မြေ့ခံစားရတယ်။ မရဘူး ဖိလ်းမယ်ဟာ။ အဲ့မှာတော့ အချိန်တစ်နာရီလောက်ပေး။ ပြီးရင်အဲ့နားလေးမှာ ဆိုင်လေးတစ်ဆိုင်ရှိတယ်။ အအေးနဲ့တခြားမုန့်လေးတွေရောင်းတယ်။ ကိုယ်တွေကတော့ ဘီယာလေးသောက်ပြီး Broken Beach နဲ့အတူ ကျော်ဖြတ်ခဲ့တယ်။ အဲ့နေရာဝယ်လဲ ဈေးက ပုံမှန်ပဲ။ အဲ့နေရာလေးပြီးရင် တစ်နေတာအတွက် နောက်ဆုံးနေရာလေးတစ်ခုပဲကျန်တော့တယ်။ အဲ့တာက Crystal Bay

🏝Crystal Bay 🏝

အဲ့နေရာလေးက Nusa Pendia လှေဆိပ်နားလေးမှာ ဆိုတော့ အပြန်လမ်းကို ပြန်လာလိုက်ယုံပဲ။ သူက ရေကူးလို့ရမယ့်ကမ်းခြေလေး။ အဲ့ကမ်းခြေဘေးနားမှာက ဟိုတယ်လေးတစ်ခုရှိမယ်။ ညအိပ်သွားမယ့်သူတွေက အဲ့နေရာလေးမှာ အိပ်လို့ရမယ်။ အဲ့ကမ်းခြေမှာတော့ အရင်သွားခဲ့တဲ့ နေရာတွေထက်စာရင် အစားအသောက်ဆိုင်လေးတွေရှိတယ်။ ပြီးတော့ ပင့်ကူလိုလှေတွေလဲ အများကြီးပဲ။ ဓါတ်ပုံဝါသနာအိုးတွေအတွက်က အဲ့ကမ်းခြေက အုန်းပင်လေးတွေနဲ့ရိုက်ရင် အရမ်းလှတယ်။ ဒန်ဒန်တို့ကတော့ အဲ့မှာ ရေကူးလိုက်ဘီယာသောက်လိုက်နဲ့ တရက်တာခရီးလမ်းကြမ်းထားလို့ပင်ပန်းတဲ့ဒါဏ်ကိုဖြေဖျောက်ခဲ့တယ်။ အပေါ်က သုံးနေရာက စိတ်ကို အမောပြေစေတယ်။ အခု Crystal Bay က ခန္ဓာကိုယ်ကြီးကို အမောပြေစေတယ်။

ကျွန်တော်နဲ့ Nusa Penida တစ်နေ့တာက ၁ နာရီခွဲ ၂ နာရီလောက်မှာ အဆုံးသတ်တယ်။ဒန်ဒန်တို့ အဲ့နေ့က ညနေ (၅) နာရီလောက် Kuta Beach ကို ပြန်ရောက်တယ်။ ညနေပိုင်း Kuta Beach က Discovery Shopping Mall ကြီးကိုတောင်ပတ်ဖို့အချိန်ရလိုက်သေးတယ်။ Kuta Beach လေးမှာ တည်းရတာက ဈေးသက်သာတဲ့ဟိုတယ်တွေအများကြီးရှိတော့ အဲ့နေရာလေးမှာ နေရတာ အရမ်းကြိုက်တယ်။ ဘာလီဆိုတာ ကျွန်တော်တွေးလိုက်တယ်ပြန်သွားချင်တဲ့နေရာမိုလို့ ဘာလီကို သွားစေချင်တယ်။ နောက်ထပ်ခရီးစဉ်တွေအကြောင်းကိုလဲ သေချာလေးပြောပြပေးအုံးမှာမို့ တက်လာရင်လဲ ဖတ်ပြီးအကြံလေးတွေပေးပေးပါအုံးဗျ။ အခုတော့ ပုံလေးတွေဆက်ကြည့်ပေးနော် ချစ်တယ်။

#Chittal
#Dandan
#Nusapendia