ဂျုံးဂျုံးဂျက်ဂျက် ပုဂံတက်

ဂျူံးဂျူံးဂျက်ဂျက် ပုဂံတက်🚂

ဂျူံးဂျူံးဂျက်ဂျက်တို့ ပေါ်ပီးပီးပေါ်တို့ဆိုတာ ဒန်ဒန်တို့ငယ်ငယ်တုန်းက ခရီးသွားခြင်းရဲ့ အမှတ်တရတစ်ခုပါ။ အရင်တုန်းက ခရီးသွားမယ်ဟေ့ဆိုရင် သွားရမယ့်နေရာထက် ရထားစီးရမယ့်အချိန်တွေကို တွေးပြီးပျော်တယ်။ ဘူတာရုံလေးတွေကလဲ အခုအချိန်လို ခြောက်ကပ်တိတ်ဆိတ်မနေပဲ ခေါင်းရွက်ဈေးသည်တွေရဲ့ ဈေးရောင်းသံတွေ၊ ရေအိုးလေးတွေရွက်ပြီးရေလိုက်ရောင်းတဲ့သူတွေ၊ တစ်ဘူတာနဲ့ တစ်ဘူတာ မတူညီတဲ့ဒေသအစားအသောပ်ဆိုင်တွေ၊ တစ်နယ်နဲ့ တစ်နယ်မတူညီတဲ့ လူအမျိုးမျိုးကို ရထားလေးစီးရင်း တွေ့ရှိနိုင်တယ်။ တဖြည်းဖြည်းနဲ့ ကားလမ်းတွေ ပိုမိုအဆင်ပြေလာပြီးနောက်ပိုင်းမှာတော့ ဘူတာရုံလေးတွေဟာ အရင်လို မဆူညံနေတော့ဘူး။ မီးလေးမှိန်တုံတုံနဲ့ တိတ်ဆိတ်လို့နေနေခဲ့ပြီ။ ကျွန်တော်ကိုယ်တိုင်လဲ ရထားစီးရတာ အချိန်ကြာတာရော ရထားတွေရဲ့ သန့်ရှင်းမှု့ပိုင်းအရရော မစီးဖြစ်တာလဲ နှစ်တွေတော်တော်ကြာပေါ့။ ဒါပေမယ့်အခု ၂၀၁၈ မှာ ကျွန်တော်ရထားပြန်စီးဖြစ်ခဲ့တယ်။ ဒီနေ့ဒန်ဒန်ပြောပြမှာက ၂၀၁၈ ဒန်ဒန်ရဲ့ ပုဂံကိုရထားစီးခြင်းအတွေ့အကြုံပါ။ ပုဂံရထားမှာ ရိုးရိုးတန်း၊ အထက်တန်းနဲ့ အထူးတန်းဆိုပြီး အမျိုးအစားသုံးခုရှိတယ်။ ကျွန်တော်စီးဖြစ်ခဲ့တာက ရန်ကုန်ကနေ အထူးတန်း အိပ်စင်ပါတဲ့ ရထားတွဲပါ။ ကားစီးရတာထက် သက်သာပြီး တကယ့်ကိုပြောစရာကောင်းတဲ့ ပုဂံရထားစီးခရီးစဉ်လေးတစ်ခုဖြစ်ခဲ့ပါတယ်။ ပထမဆုံးအနေနဲ့ ရထားလက်မှတ်ကိုဘယ်လိုဝယ်ရမလဲဆိုတာလေး ပြောပြပေးပါမယ်။

🙄ရထားလက်မှတ်ဘယ်လိုဝယ်ရမလဲ🙄

ဗိုလ်ချုပ်လမ်းနဲ့ ဆူးလေဘုရားလမ်းဒေါင့် ဆာကူရာတာဝါရှေ့ မြန်မာ့မီးရထားကြိုတင်လက်မှတ်ရုံမှာ မနက်(၇) နာရီကနေ ညနေ(၃) နာရီထိ သွားဝယ်လို့ရတယ်။ မနက်စောစောသွားရင်တော့ လက်မှတ်ရဖို့ပိုအဆင်ပြေတာပေါ့။ အထက်တန်းနဲ့ ရိုးရိုးတန်းကတော့ ခုံတွေများပြီးစိတ်ကြိုက်ဝယ်လို့ရပေမယ့် အထူးတန်းအိပ်စင်ကတော့ သုံးလေးတွဲလောက်ပဲပါတာ။ တစ်ခန်းကို လူအများဆုံးလေးယောက်စီးလို့ရတယ်။ လက်မှတ်ဈေးကတော့ ရိုးရိုးကားခထက် ဈေးပိုကြီးပြီး VIP ကားတွေထက်တော့ဈေးသက်သာတယ်။ ကျွန်တော်တို့ဝယ်တာက တစ်ယောက်ကို ၁၆၅၀၀ လောက်ကြတယ်။ နှစ်ယောက်ထဲသွားမယ်ဆိုရင်တော့တစ်တွဲလုံးရဖို့မသေချာပေမယ့် သုံးယောက်ဆိုရင်တော့ တစ်တွဲလုံးရဖို့သေချာတယ်။ နှစ်ယောက်ဆို အဲ့အခန်းထဲမှာ တစ်ခြားသူနှစ်ယောက်နဲ့ ပေါင်းစီးရနိုင်တယ်။ ကျွန်တော်တို့သွားတာက သုံးယောက်ဆိုတော့ အဲ့ရထားအခန်းလေးထဲမှာ သုံးယောက်ထဲ အေးဆေးပဲ။ ရိုးရိုးတန်းနဲ့ အထက်တန်း လက်မှတ်ဈေးကတော့ ၅၀၀၀/၆၀၀၀ ဝန်းကျင်လောက်တော့ရှိမယ်ဗျ။ လက်မှတ်ဝယ်ရင် ရထားစီးမယ့်သူတွေရဲ့ မှတ်ပုံတင်တွေ ယူသွားဖို့လိုပါတယ်။

⌚️ဘယ်အချိန်စီးရမှာလဲ⌚️

ရထားစီးရမယ့်အချိန်ကတော့ ညနေ(၄) နာရီ ရန်ကုန်ဘူတာကြီးကစထွက်ပါတယ်။ ၃:၁၅ လောက် အရောက်သွားနိုင်ရင်တော့ အဆင်ပြေတယ်ဗျ။ ရန်ကုန်ကားလမ်းပိတ်တာကိုပါ ထည့်တွက်ပြီး ကိုယ်နေတဲ့နေရာနဲ့ မှန်းပြီးအိမ်ကနေထွက်စေချင်တယ်။ ဘာလို့လဲဆိုတော့ ရထားက ကားလို့ ဖုန်းဆက်ပြီး ကျွန်တော်လာနေပြီခဏနော်လို့ စောင့်ခိုင်းထားလို့မရဘူး။ ဘယ်ဘူတာလမ်းကြုံလဲ အဲ့ကနေလိုက်ပြီးစီးမယ်ဆိုပြီးလုပ်လို့မရဘူး။ ၃ နာရီလောက်မှာ ရထားတွဲတွေစီတယ် လေးနာရီထိုးတာနဲ့ ကိုယ်စီးရမယ့် Terminal မှာ ရထားကရောက်လာပြီ။ မိနစ် ၃၀ လောက် ခရီးသည်တွေတင်ပြီးတာတော့ ပေါ်ပီးပီးပေါ်ဆိုပြီး ရထားဥသြဆွဲသံနဲ့အတူ ရန်ကုန်ဘူတာကြီးကနေ စထွက်တော့တာပဲ။ အဲ့တော့ ရထားစီးမယ်ဆိုအချိန်ကို တိတိကျကျနဲ့ သွားစေချင်ပါတယ်။ ကဲရထားစထွက်ပါပြီ။ အော်ဒါနဲ့ ပုဂံကိုရောက်မယ့်အချိန်ပြောရအုံးမယ်။ ပုဂံကိုက နောက်နေ့မနက် ၁၀ နာရီဝန်းကျင်လောက်ရောက်ပါမယ်။

🛏အထူးတန်းအိပ်စင်တွဲအခြေအနေ🛏

ရထားမစီးတာကြာတော့ အရမ်းကြီးကောင်းလိမ့်မယ်လို့ အများကြီးမမျှော်လင့်ခဲ့မိတာ ဒန်ဒန်ရဲ့အမှားတစ်ခုပါ။ ၁၆၅၀၀ နဲ့တန်တဲ့ဝန်ဆောင်မှု့တစ်ခုလို့ခံစားရပါတယ်။ အထူးတန်းအိပ်စင်အတွဲမှာထိုင်ဖို့ခုံက ရှစ်ခုံပါတယ် အိပ်စင်က နှစ်ခုပါတယ်။ ထိုင်တဲ့ခုံကို ဆွဲချလိုက်ပြီး ညကျရင်အိပ်ယာလိုလေးလုပ်ပြီးအိပ်လို့ရတယ်။ အိမ်သာနဲ့ ဘေစင်ပါတဲ့ အခန်းတစ်ခန်းရယ်၊ အဝတ်လဲဖို့အခန်းတစ်ခန်းရယ် ပါတယ်။ ကျွန်တော့်အတွက်အဓိကစိုးရိမ်တာကအိမ်သာ။ သန့်မှသန့်ပါ့မလားပေါ့။ ဒါပေမယ့်အဆင်ပြေသွားတယ် ရထားအိမ်သာဆိုပြီးအထင်မသေးနဲ့နော် အိမ်သာက အနံအသက်ကင်းပြီး သန့်သန့်ရှင်းရှင်းလေးရှိတယ်။ အဝတ်လဲခန်းကတော့ အခန်းအလွှတ်တစ်ခုပေးထားတဲ့သဘောပါပဲ။ ပြီးတော့ အရေးကြီးတဲ့ ပစ္စည်းလေးတွေ သိမ်းဖို့အတွက် ခုံရဲ့ဘေးမှာ ဘီဒိုအပုလေးတစ်လုံးပါသေးတယ်။ အိပ်ဖို့အတွက် စောင်ပါးလေးထည်နဲ့ ခေါင်းအုံးလေးလုံးအသင့်ပါပြီးသား။ပြီးတော့ ပန်ကာလေးတစ်လုံးပါတယ်။ ဒါက အိပ်စင်ရဲ့ဒီဇိုင်းကာလာအနေအထား အယ့်လယ်

💁🏼‍♂️ရထားနဲ့သွားရင်ဘာတွေလိုအပ်တာလဲ💁🏼‍♂️

သုံးနာရီထဲကနေ တစ်ညလုံးစီးရမှာဆိုတော့ အစားအသောက်က အရေးကြီးတယ်။ အစားအသောက် ဂျီများတဲ့သူတွေကတော့ညစာအတွက် ကိုယ့်ဘာသာကိုယ်စီစဉ်သွားရမယ်။ ဘာလို့လဲဆိုတော့ ရထားစားသောက်တွဲက အစားအသောက်က ယူတို့အတွက်အဆင်မပြေမှာစိုးလို့။ ဒန်ဒန်လို ဘာမဆိုလာထားဆိုတဲ့ ဘော်ဒါတွေအတွက်ကတော့ ရထားအခန်းထဲစရောက်တာနဲ့ စားသောက်တွဲက စားပွဲထိုးလေးက လာမေးပါလိမ့်မယ်။ ညစာဘာမှာမလဲ မနက်စာဘာမှာမလဲဆိုပြီး။ အဲ့ကအစားအသောက်ကတော့ပုံမှန်အဆင့်လောက်ပဲ။ အရမ်းကြီးလည်းမကောင်းဘူး အရမ်းကြီးလဲမဆိုးဘူး။ ညစာအတွက်က ညခုနှစ်နာရီ ရပ်တဲ့ဘူတာမှာ ကိုယ့်မှာထားတဲ့အစားအသောက်တွေလာပေးပါလိမ့်မယ်။ ရထားစားသောက်တွဲကနေ မှာလို့ရတဲ့အစားအသောက်တွေက တရုတ်အစားအစာတွေ၊ လက်ဖက်ရည်၊ ကော်ဖီ၊ အအေးနဲ့ ဘီယာ တွေမှာလို့ရတယ်။ တော်တော်အမျိုးအစားလဲစုံပါတယ်။ ဈေးလဲသိပ်မကြီးဘူးရယ် ပုံမှန်လောက်ပဲ။ ဘီယာကတော့ မြန်မာတစ်ပုလင်းကို သုံးထောင်ပေးရတယ်။ ဘီယာသောက်ကြမယ့်ဘော်ဒါတွေများရင်တော့ ကိုယ့်ဘာသာကိုယ်ဝယ်ထားတာ ပိုအဆင်ပြေလိမ့်မယ်။ ဘာလို့လဲဆိုတော့ ဘီယာသောက်ပြီဆို ရပ်မရတဲ့သူတွေရှိတယ်လေ။ အိပ်ခန်းကနေ စားသောက်တွဲက တဆက်ထဲကူးလို့ရတဲ့ အတွဲမဟုတ်တော့ မှာထားသလောက်နဲ့ မလုံလောက်ရင် ထပ်မှာဖို့အဆင်မပြေလို့။ ဒါမှမဟုတ် စမှာထဲက တခါတည်းများများမှာထားလိုက်တာ ပိုအဆင်ပြေတယ်။ ဒါက သောက်မလောက်တွေအတွက်ပြောတာနော်။ နှစ်လုံးသုံးလုံးလောက်သောက်မယ့်ဘော်ဒါတွေအတွက်ကတော့ စားသောက်တွဲလေးနဲ့ပဲ အိုကေပါတယ်။ မနက်စာလဲအခုလိုပဲ မှာထားတဲ့အစားအစာကို မနက်ကျလာပို့ပေးလိမ့်မယ်။ အိုကေ

ပြီးတော့ဒန်ဒန့်ရဲ့ မိန်းကလေးသယ်ရင်းတွေကအရင်ကလို ဘူတာတိုင်းမှာဈေးသည်လေးတွေမရှိတော့ နေကြာစေ့ ဇီးထုပ် လက်ဖက်စတဲ့မုန့်ပဲသရေစာလေးတွေလဲ ဝယ်ခဲ့နော်။ မိန်းကလေးသူငယ်ချင်းတွေ ညကျပျင်းရင်အဲ့တာလေးတွေစားပြီး အတင်းတုတ်လို့ရတယ် 😂 လမ်းမှာဝယ်ဖို့သိပ်အဆင်မပြေဘူး။

ညအိပ်ရင်ခြုံဖို့စောင်ယူရမယ်။ ရထားပေါ်ဆိုတော့ တံခါးပိတ်ထားလဲအပြင်ကလေက အရမ်းအေးတယ်။ ညနက်လာလေ လယ်ကွင်းထဲနေတိုက်တဲ့လေက အေးနေတာပဲ။ အဲ့တော့စောင်ခြုံကွေးရမယ်။ ရထားကပေးထားတဲ့စောင်ပါးလေးက အရမ်းပါးတော့ ခြင်မကိုက်အောင်ရမ်းဖို့လောက်ပဲအဆင်ပြေမှာ။ လိုအပ်တာတွေကတော့ ဒီလောက်ပါပဲ။

👍🏼ရထားနဲ့သွားတဲ့အားသာချက်👍🏼

မဟာအကြိုက်ဆုံးတစ်ချက်က သူငယ်ချင်းအဖွဲ့လိုက်သွားရင် ရထားပေါ်မှာ သောက်စားပြီးသွားလို့ရတယ်။ အပျော်တမ်းဖဲရိုက်လို့ရတယ်။ အပေါ့အလေးသွားရင် ဆရာရေ ကျန်းမာရေးလို့အော်စရာမလိုဘူး။ ဂစ်တာတီးတဲ့သူပါရင် ဂစ်တာတွေတီးသီချင်းတွေဆိုသွားရလို့ရတယ်။ ကားပေါ်မှာလို ဖုန်းနားကျပ်မပါလာရင် ဖွင့်သမျှသီချင်းနားထောင်ရတဲ့ရန်ကကင်းဝေးမယ်။ ဒါကကျွန်တော့်ရဲ့ မဟာအကြိုက်ဆုံး အားသာချက်ကြီး။

ညအိပ်ယာဝင်တဲ့အခါကြရင်လဲ ကိုယ့်အိမ်မှာအိပ်နေရသလိုခံစားချက်မျိုးရတယ်။ ကျွန်တော်တို့က အိပ်စင်တန်းဆိုတော့ အိပ်ယာနဲ့ခေါင်းအုံးနဲ့စောင်နဲ့ ကြားထဲ ရထားလေးယိမ်းနေတာက ပုခတ်လွှဲပြီးသိပ်နေသလိုလို ဇိမ်ပဲ။ ငယ်ငယ်တုန်းက ရိုးရိုးတန်းစီးတဲ့အချိန်တုန်းကဆိုရင်လဲ ခုံလေးခုံကြားထဲ ဖျာလေးခင်းပြီး အထုပ်ခေါင်းအုံးအိပ်တာပဲ။ ရထားက အရမ်းကြီးမခုန်တော့အရမ်းအိပ်လို့ကောင်းတယ်။ ရထားစီးရတာ ဒန်ဒန့်အတွက် တအားသက်သာတယ်။

အိပ်ချင်မူးတူးအချိန်မထရလို့အရမ်းကြိုက်တယ်။ ညနေ (၄) နာရီစီး ပုဂံမနက် ၁၀ ဝန်းကျင်လောက်မှရောက်တာဆိုတော့ တစ်ညလုံး အေးဆေးအိပ် မနက်ခင်းကျ မနက်စားလေးစား ရောက်တဲ့အချိန်သာသာယာယာ ဟိုတယ်ကို Check In ဝင်ရုံပဲ။ မနက်အစောကြီးထ ဟိုတယ် Check In မဝင်ရတဲ့အတွက် ရထားနဲ့သွားရတာ အရမ်းဂေါ်လွန်းတယ်။

မြို့ငယ်လေးတွေ တစ်မြို့ဝင်တစ်မြို့ထွက်နဲ့ ရထားလမ်းဘေးက ရူခင်းလေးတွေက သိပ်လှလွန်းနေတယ်။ မနက်ဆို ကျောက်ပန်းတောင်း ကျော်တာနဲ့ ထန်းပင်တွေ ထနောင်းပင်တွေနဲ့ အညာရဲ့အလှက ရထားပေါ်က ကြည့်ရင်ကွက်တိ။ ဓါတ်ပုံရိုက်တာ ဝါသနာပါတဲ့သူတွေအတွက်ကတော့ အဲ့ရူခင်းတွေက အရမ်းမိုက်ပဲ။ အညာရဲ့ မနက်ခင်းလေနုအေးကို ရူရိူတ်ရတာလဲ အရသာတစ်မျိုးပဲ။

🚨ရထားနဲ့သွားရင်ဘာတွေသတိထားရမလဲ?🚨

ရိုးရိုးတန်းနဲ့ အထက်တန်းမှာက ကိုယ်နဲ့ခရီးသွားဖော်တွေအများကြီးစီးရတာဆိုတော့ သိပ်ပြီးစိတ်ပူစရာမလိုပေမယ့် အိပ်စင်ကနေ စီးတဲ့သူတွေကတော့ ဒီအချက်လေးတွေသိထားဖို့လိုပါတယ်။ အိပ်စင်အတွဲက အရင်ကဆို အိပ်စင်အခန်းလေးတွေရဲ့ ဘေးနားမှာ လျှောက်လမ်းတစ်ခုရှိတယ်။ အဲ့တော့အဲ့လျှောက်လမ်းကနေ ရထားစစ်တွေ စားသောက်တွဲက စားပွဲထိုးလေးတွေလာကြတယ်။ အခုအိပ်စင်အတွဲတွေက တစ်တွဲလုံးမှာ ကိုယ်တွေလေးယောက်ပဲရှိမှာ။ ဘေးနားက လျှောက်လမ်းလေးလဲမရှိဘူး။ ဘယ်သူမှ ရထားသွားနေတုန်း ကိုယ့်အတွဲကို လာကျမှာမဟုတ်ဘူး။ အဲ့တော့ ရထားစထွက်ပြီဆိုတာနဲ့ ဘေးတံခါးနှစ်ခုလုံးကို သေချာလေးပိတ်ထားပါ။ ရထားလက်မှတ်စစ်ကလဲ ရထားရပ်မှ ပြတင်းပေါက်ကနေ လာစစ်ပါလိမ့်မယ်။ ခရီးတစ်ခုလို့ မလိုအပ်ရင် အဝင်တံခါးတွေကို မဖွင့်ပါနဲ့။ ပြီးတော့ ညအိပ်ရင်လဲ ဘေးပြတင်းပေါက်တံခါးတွေကို ပိတ်ပြီးအိပ်ပါ။ ကိုယ်အိပ်နေတုန်းမှာ ရပ်ရမယ့် ဘူတာစဉ်တိုင်းရပ်မှာဆိုတော့ တံခါးအပြင်ဘက်ကနေ ပစ္စည်းတွေယူမှာ စိုးရိမ်လို့။ နောက်ပြီး ရထားတွဲပေါ်ရောက်တာနဲ့ ရထားတွဲထိန်းက လာပြီးမိတ်ဆက်ပါလိမ့်မယ်။ အဲ့အချိန်မှာ သူရဲ့ဖုန်းနံပါတ်ကို ယူထားဖို့အကြံပေးချင်ပါတယ်။ ရထားပေါ်မှာ တစ်စုံတစ်ခုဖြစ်ခဲ့ရင် အိပ်ခန်းတွဲက သီးသန့်ဆိုတော့ ရှေ့ခေါင်းတွဲနဲ့ အဆက်အသွယ်ပြတ်နေမှာလေ။ အဲ့တော့ တစ်ခုခုအရေးကြုံလာရင် ဆက်သွယ်လို့ရအောင် ရထားတွဲစစ်ရဲ့ ဖုန်းနံပါတ်လေးတောင်းထားနော်။ ဒါကတော့ ရထားစီးရင် ဂရုစိုက်ရမယ့်အချက်လေးတွေ။

အိုကေ ဒန်ဒန့်ရဲ့ ၂၀၁၈ရထားစီးခြင်းအတွေ့အကြုံက ရေးထားတာနဲနဲများ များသွားလား။ တကယ်တော့ ရထားစီးပြီး သွားရတာ တကယ်ကိုပျော်ဖို့ကောင်းတယ်။ ပြောနေတာထက်ကိုပြောဖို့ကောင်းတာ။ တကယ့်ကိုအမှတ်တရတွေအများကြီးနဲ့ပျော်စရာကောင်းမှာ အသေအချာပဲ။ အတူတူသွားခဲ့တဲ့သူငယ်ချင်းတွေစုံတိုင်း ရထားနဲ့သွားတုန်းကလေးဆိုပြီး အစချီလိုက်တာနဲ့ ပြောစရာတွေကုန်မှာတောင်မဟုတ်ဘူး။ ကျွန်တော်တို့ငယ်ငယ်တုန်းကရထားနဲ့သွားတုန်းကလေဆိုပြီး ပြောမကုန်သလိုမျိုး။ အဲ့တော့ အတိတ်တွေကိုလွမ်းရင်း သူငယ်ချင်းတွေနဲ့အတူ ရထားခရီးစဉ်လေးတစ်ခုဖန်တီးလိုက်ကြစို့နော်။ အားလုံးကိုချစ်တယ်။ အတူတူသွားမယ့်သူငယ်ချင်းတွေကိုလဲ Mention ခေါ်ခဲ့အုံး။ ပုံလေးတွေတစ်ပုံချင်းစီမှာလဲ အကြောင်းအရာလေးတွေရေးထားသေးတယ်။ Like&Share လေးလဲလုပ်ခဲ့ပေးအုံးနော်။ နောက်နေ့တွေကျရင်လဲ ပုဂံအကြောင်းလေးပြောပြပေးမယ်နော်။

#Dandan
#Chittal
#Traintobagan
#17july2018