ခရီးသွားခြင်းအနုပညာ
ခရီးသွားခြင်းအနုပညာ
ခေါင်းစဉ်က နည်းနည်းများမြှင့်သွားမလားလို့တော့ ကျွန်တော်တော်ကီ မဖုတ်ခင် တွေးမိတယ်။
သေချာပြန်စဉ်းစားတော့ တကယ်ပါခရီးသွားတာ အနုပညာဆန်မှန်းမသိဆန်ပါတယ်။ အနီးစပ်ဆုံး မြင်လွယ်ထင်လွယ်ပြောရရင်တော့ အမှတ်တရအတွက် ဓါတ်ပုံလေးတွေရိုက်ကြတယ်။ ပုံကောင်းလေးတွေရဖို့အတွက် ခရီးမသွားခင်ထဲက ကြိုတင်လေ့လာရတယ်။ဘယ်နေရာလေးရောက် ငါတော့ကျောလေးပေးပြီးရိုက်မယ်။ ဘယ်နေရာလေးရောက်ရင် ငါတော့ လက်ချောင်းလေးနှစ်ချောင်းထောင်မယ်။အော် ပြီးတော
မြစေတီရောက်ရင် လက်မှာ ပန်းချီဆွဲကို ဆွဲရမယ်။ ပြသာဒ်ကြီးကို ရုပ်သေးရုပ်ဆိုင်မသိမ်းခင်
ပုံရိုက်ကို ရိုက်ရမယ် စသဖြင့် အပုံလေးတွေရိုက်ဖို့ ကြိုတင်စဉ်းစားသွားတက်ကြတယ်။ အဲ့တာဟာ
အနုပညာတစ်ခုကိုဖန်တီးနေတာပါပဲ။ ကိုယ်တစ်ခေါက်မှ မသွားဘူးတဲ့ ခရီးကို သွားမယ်ဆိုရင်လည်း
ခရီးရောက်ရင် ငါဘာတွေလုပ်ကိုလုပ်ရမယ်။ ဘယ်နေရာကတော့ ဘယ်အချိန်လောက်သွားမယ်။
အဲ့နေရာကတော့ ဘယ်အချိန်မှ လှတာ အဲ့တော့မှ သွားမယ်။ အော် ဟိုဆိုင်လေးက
အစားအသောက်ကောင်းတယ်တဲ့ အဲ့မှာစားရမေ စသဖြင့် ကိုယ်တိုင်အနုပညာတစ်ခုကို
ဖန်တီးနေကြတက်တာ ခရီးသွားလေးတို့ လုပ်နေကြအနုပညာလေးတစ်ခုပါ။
ကျွန်တော်ကိုယ်တိုင်လဲ ကိုယ်တစ်ခါမှ မသွားဘူးသေးတဲ့ ခရီးစဉ်တွေဆိုရင် review တွေလိုက်ရှာပြီး
ဖတ်လိုက်ရတာအမော ရင်ဘက်နောက်ကကျောပါပဲ။ တကယ့်ကို ခရီးသွားတယ်ဆိုတာ အနုပညာတစ်ခုပါ။ ကိုယ်သွားတဲ့ ဒေသက အေးတဲ့ အရပ်ဒေသလား ပူတဲ့ အရပ်ဒေသလား အဲ့အရပ်ကို သွားဖို့အတွက် ကိုယ့်ရဲ့ဘော်ဒါလေးဖြစ်တဲ့ ခရီးသွားအိတ်လေးထဲ ဘယ်အရာလေးတွေထည့်မလဲလို့ စဉ်းစားရတာလဲ
အနုပညာဆန်ပါတယ်။ ပြီးတော့ ကိုယ့်ရဲ့အိတ်လေးထဲကို သေးသေးလေးနဲ့ များများဆန့်အောင် ဘယ်လိုပုံစံမျိုးလေးထည့်မလဲလို့ စဉ်းစားရတာလဲ အလုပ်တလုပ်။ မသွားခင်မှာ ကိုယ်ဘယ်လို အနုပညာမျိုးဖန်တီးမလဲဆိုတာကိုတွေးတွေးပြီး ကျေနပ်နေရတာလည်း ကျွန်တော်တို့လို ခရီးသွားလေးတွေအတွက် ကျေနပ်စရာလေးတစ်ခု။ ခရီးသွားပြီးပြန်လာတဲ့အချိန်ကျရင်လည်း ကိုယ်ဖန်တီးထားတဲ့ အနုပညာတစ်ခုကို တွေးတွေးပြီးကျေနပ်နေတာမျိုး။ ရသလောက်အချိန်လေးမှာ ခရီးလေးတွေရအောင်ထွက်ပါ။ ကိုယ်ပိုင်အနုပညာလေးတွေဖန်တီးပါ။ ကိုယ့်ရဲ့အနုပညာကို ကိုယ်တိုင်ကျေနပ်နေရတာ ကိုယ့်ကိုယ်တိုင်အတွက်
ခွန်အားတွေဖြစ်စေပါတယ်။ အခုအချိန်ကစပြီးကိုယ်ပိုင်အနုပညာလေးတွေဖန်တီးနိုင်ကြပါစေ
ဒန်ဒန်ပိချိလေးတွေ.......
Comments
Post a Comment